Thiamthil

Thiamthil

            Thiamruak pakhat timi cu a tanglei thilri hna an tlin lawngah a tlangpi cun auh khawh a si.

            Thiamtlang                          - Thiamruak aa awhnak tlang

            Thiamhri(thlaileo)                - Thiamtlang le awktte an tlaitu hri

Takaw                               - La bahnak thingpum cungah thiamla a um, cu cungah an khan I thiamla           aa bilnak, a namhtu, thing zung thum komh ngaw, 3’ veve a tte in an               tuah.

Awktte                               - Takaw bantukk in pum le sau, a par veve cu awhkeng hri luhnak ah 3”           veve a tte in an tuah. Awhkeng hri le thiam a sihtu (hman – 1)

Cirio                                   - Thiam an tahmi le a cunglei tah rih lomi dannak ca ah thiamfung kutdong tia pahnih in an dan I a parley kha la in an ttem veve.  An tah liomi a dih tikah tah rih lomi ah an tthial.  Cheukhat nih cu thiamfung pahnih (cirio) karlak ah tukseh kha an thlak I hri in an ttem chih.

Tukseh                                 - Rua a takmi kha a per nawn in an tuah, hluah ha bantuk in an khuar, thiamla a khung (chah) le rio(pannak) kha a chah-pan a phawtu, ri khiaktu ah an hman (hman-4)

Awnraw                               - Thinghak, ruapum, awnraw kung hna in an tuahmi zung thum komh ngaw a pum in a saumi.

                Laihna                                   - Thiamfung a si I la kha a hna an cawinak rua kutdong tia.

Tahtlem                               - Thiamla a phei I an pheimi kha a neltu, thinghak in sermi.  A kauh buaktlak in 5”.  Khatlei a dong cu nge in an tan, khatlei a dong cu paisah in an I tan I khualul in an milh (Hman -3)

                Coihte                                   - Tahtlem hme a si I, rua tak in an tuah, siapi kauh

Thawifung                           - Cheukhat nih thawi-kamh-fung an ti I thawi an tenhnak hnga ding kauh in, la a dangtu thiamfung.  Thawi an tenh lai ah thawi tenhnak ding thiamhna kha an cawii, cu an cawimi la kar ah an dawh I an karhnak chungmi thiamfung.

Thiamkar                             - Thiam kha I fonh hlah she tiah a kam veve in a karhtu, zung khat kauh a si I a par veve kha a hmete in an zum, Thiam tah cia le tah rih lomi ri ah a um.  (hman-2)

Awhkeng                             - Thiamruak kha an keng in an awhnak, saphaw 6” kauh in an tuah I a par veve ah hri in anmah duh can in, a tanglei awktte ah an sih.

                Awhkeng hri                      - Awhkeng le awktte an sihnak hri

Thiamphei                           - Rua tak kha kutdong tia in an thit I thiamphei ding la an zelhnak (fatnak) lafung.

Sakuh-hniar                        - Thiam cungah muici a phunphun thawihri kha an tenhnak sakuh I a hniar (sakuh hmul)

Thawi-hri                             - Muici a phunphun kha ten hawk caah a tawi tete in an tan I an I chiahmi, tan cia in thiam cungah an chiah ttheo.

Cherhdan                            - Thiam an awh tikah thiam aa rengh nakhnga an ke in an I lamhmi thing, tokuang tbk……