NUPI TTHIT LE CHAW MANNAK KONG
Hlan
kan pipu hna nih an rak zulh tawnmi phunglam cu, nupi tthit tiakha, chaw man
phung a rak si. Cun, nupi tthitnak puai
tuah hlanah nupi tthit awk cu rak hal hmasa phung a si. Hlan chan in atu chan tiang zongah, nupi
tthit le vangeih tikah hin miphun dang tthitnak in hinkhat deuh in an rak i
kawl i rak i tthit a si. Cun hrin dang
tthit le vat an duh hna ahcun anmah tluk in a sangmi le a thiangmi in rak i
thim a si. Cutincun phung a rak um caah
Zathang hrin le Zathang hrin zong an rak i tthium. Cinzah hrin Cinzah hrin zong an rak i tthi
um. Khenglawt hrin le Khenglawt hrin zong an rak i tthium. Cun an hrinsormi an tu le nih an pu le fanu
le zong rak tthit phung a si. Hi kan
Laiphung hi atu chan tiang kan zulhmi a si caah hi kan phung hi hlan chan Israel
miphun i an rak zulhmi phung he aa khatmi a si ko. Cucaah cun kan Laimi hi, kan hramthawknak
ahcun Israel mi hrinthlak kan rak si ko tiah Lushai mi a cheu i an timi hi hman
dawh a si ko.
Chaw
kan rak i mannak le innkai man kan rak i peknak le nukai an rak i thlahnak le
an rak i donnak phung zong hi hlan chan Israel hrinsor mi hna i an rak tuahmi a
si ko. Abaraham fapa, Isak ca i nupi an
rak hal tik zongah Abraham nih a salpa cu nupi hal ah a thlah i miphun dang va
tthi hna hlah, ka pa miphun ka rualchan ka sahlawh chung hrinsor an tthit hna
lai, tiah a fial i a fapa Isaac caah cun, amah a nau NAHOR fapa BETHUEL fanu
REBEKAH an rak tthit i, innkai man an rak pek lengah chaw an rak man (Gen.
24:1-67)
Hlan
Chan in kan Laimi phun nih, nupitak le nupichun an rak tthit le chawva tampi an
rak mannak zong hi hlan Israel miphung i an rak zulhmi phung hi philh loin rak
cawng hna seh law a dawh ko.
By Pu Ngun To
0 comments:
Post a Comment